Qu'esperez vous mon Phenix !

Qu'esperez vous mon Phenix ! pour me faire
Ore un joyeux, ore un triste trait d'œil,
Si par cela ma douleur et mon deuil,
Et mon grand feu ne s'estaint ou modere ?

L'immortel feu qui dedans moy repaire
Sort de mon cueur, et vostre doux acueil,
Ou la froideur d'aucun mauvais recueil
N'ont le povoir de l'estaindre et deffaire.

Regardez donc si jamais homme ayma
Ainsi que moy, que l'archer transforma
Dès le moment que j'euz veu vostre face.

D'autant qu'en loz, en honneur, et beauté
Vous excellez, en ferme loyauté
Mon amytié toutes autres surpasse. »

Olivier de Magny